الرينكون ... بلا بيك شكون نكون ...؟
. . . شفت الزيـــن و الزيــون
تساريـــت شــلا مــدون
الله عليـــــك يا الرينكون
فهاد الدنيا و فهاد الكون
ما جبارت فحالك
*************
مدينة صغيرة و جميلة و مضيافة
على ضيوفـــــــها ديــــما ولافـــة
القبيح فيهــــــا يتعامل باللطـافة
فيها أسطورة البومادي مصطفى
يا حصرة على ايامك
*************
فيها حومة كندا و الزاوية
و سبعة رجال فيها الدرادب و الواد
و الحومة استقلال فيها السكة
و حي الشريفة و بوزغلال
مدينــــة مدورة بالبحـــــار
و الجبــــال الله الله على جمالك
*************
فيها عين شوفو و الحومة دزحزوح
فيها ريحة المحبة منــــــا كتفـــوح
قلب الرنكـــــون لكلشي مفتـــوح
و لسانها بكلام الخير ينطق
و يبوح شكون علا مقامك
*************
فيهـــــا ناس تجمعم كلمة الخـــــاوا
فيهـــــا حي غمارة و حي طنجــاوة
فيها حي روافــــة و حي و عساوة
ناس الرنكون كلامهم عسل صفاوة
الله لي حلا كلامك
*************
فيها بحار زاهي و المرسى
و الكورنيش فيها الغنـــي كيعيــــش
مـع الدرويــــش
فيها شباب قاري قتلـوهم بالتهمــــيش
كيموتو عرق بعرق
بالدروغا و الحشيش
عيشة هادي منرضاهالك
*************
من رستينكا و مرينا اسمير للملاليين
سمــــــاوك قريــــــــــــة الصيــــــاديـــن
يا مدينتي داروا بيــــــــك شلا يديــــن
حتى معرفتيشي الضربة جاتك منيــن
عنيت سنين على شالك
*************
مالجبـــــــل لبيـــــاط لــــراسالطــــرف
شحــــــــــال خصنـــي من كلمـــة...؟
و شحــــــــال خصنـــــي من حــــــرف
يا عيــــون المحبـــة
أنا واحد من ولادك .
رينكون نيوز - داود أبو حياة
إرسال تعليق